ഒടുവില് ഇന്റര്നെറ്റ് ഇല്ലാതെ നാട്ടുകാര് യുട്യൂബ് കണ്ടുതുടങ്ങി - ഇന്റര്നെറ്റ് സേവനം ലഭ്യമല്ലെങ്കിലും യുട്യൂബ് സേവനം ഇനി നമുക്ക് സുഗമായി ആസ്വദിക്കാം.! ഇങ്ങനെ ഒരു പ്രഖ്യാപനം ഗൂഗിള് നടത്തിയിട്ട് ഏകദേശം രണ്ട് മാസത്തോളമായെങ്കിലും സംഗതി പ്രാബല്യത്തില് വരുന്നത് ഇപ്പോള് മാത്രമാണ്.
ഇന്ത്യ, ഇന്തോനേഷ്യ, ഫിലിപ്പിയന്സ് എന്നീ രാജ്യങ്ങളിലാണ് ഇപ്പോള് ഈ സേവനം ലഭ്യമാകുന്നത്. ഇന്റര്നെറ്റ് സേവനം ലഭ്യമായി ഇരിക്കുമ്പോള് നമ്മള് സെലക്റ്റ് ചെയ്യുന്ന വീഡിയോകള് അടുത്ത 48 മണിക്കൂര് നേരത്തേക്ക് നമ്മുടെ ഫോണില് സ്റ്റോര് ചെയ്തു വയ്ക്കാന് സാധിക്കും. ഈ സമയത്ത് നെറ്റ് കണക്ഷന് പോയാലും കുഴപ്പമില്ല, വീഡിയോ തടസം കൂടാതെ നമുക്ക് കാണാം.
യുട്യൂബ് സ്ക്രീനില് പുതുതായി പ്രത്യക്ഷപ്പെട്ടിട്ടുള്ള ഓഫ്ലൈന് വാച്ച് എന്ന ബട്ടന് ക്ലിക്ക് ചെയ്താണ് ഇങ്ങനെ ഒരു സേവനം നമുക്ക് ലഭ്യമാക്കാന് സാധിക്കുക. ഇന്ത്യയില് ഈ സേവനം ആരംഭിച്ചു കഴിഞ്ഞുവെന്നും ഇന്ത്യന് യുട്യൂബ് പ്രേക്ഷകര് രണ്ട് കൈയ്യും നീട്ടി ഈ സേവനത്തെ സ്വീകരിച്ചുവെന്നുമാണ് യുട്യൂബ് അധികൃതര് പറയുന്നത്.
No comments:
Post a Comment